Kabhi Sochata Hoon (Hindi) Poem by Anish Chouhan

Kabhi Sochata Hoon (Hindi)



Kabhi sochta hoon dukh anmol hote hai,
Kabhi qudrat ka waktiya, kabhi anjaan hote hai,
Kabhi is jindagi ko kuch de jate hai,
Kabhi fir achanak kuch chheen late hai,

Kabhi dil ko thoda bechain karte hai,
Kabhi jeene ki sahi rah sikhlate hai,
Kabhi ye bante hain tanhai ke geele aansoo,
Kabhi umar bhar aankho ko rulate hai,

Kabhi lubon par ek hansi ban kar cha jate hai,
Kabhi fir nayi duniya raushani se sajaate hai,
Kabhi meethi kasak ban kar saamne aa jaate hai,
Kabhi anjaani khwahish bun kar pehena aate hai,

Kabhi ehesas-e-dil ke sapne dikha jaate hai,
Kabhi kisi ajnabi ko dil ke itna karib le aate hai,
Kaheen koi duniya nahi milti jo inse door bhaago toh,
Jo inse door bhaago toh raasta bhatak jaate hai,

Kabhi jaane nahin dete akele khudko pehechan ne ko,
Na to kaid me apni sambhale rehne dete hai,
Na ye khud se ekpal hame aazaad karte hai,
Na he is marz ki hai dawa koi jo siya karte hai,

Ye aise kuch pyaar bhare dard hote hai,
Magar jaan lo ye bhi utna hi sach hai,
Yeh har ek khushnasib ko to nahin milte,
Jise milte hai unke hausale bade nayaab hote hai,


Kabhi jo sochta hoon dukh anmol hote hai.

POET'S NOTES ABOUT THE POEM
21st Jan 2014
COMMENTS OF THE POEM
READ THIS POEM IN OTHER LANGUAGES
Close
Error Success