Iyangidla Lento Poem by senzokhaya umhayi

Iyangidla Lento



Ezweni sekuthulekile phakathi kwamabili,
Phakathi ezindongeni zendlu yokuzikhulula,
Ozakwethu sebedonsa obude emaphusheni,
Zibuye zingidle lezi zinto zomhlaba,
Amadlebe ami elume abuye lamazwi angihlabe,
Amehlo ami ehlengezele izinyembezi,
Ngingeke ngisamuzwa ethi angenzeni,
Ngingeke ngisamlalela uma ethi angingenzi ini,
Sekuba ukuyikhumbula imiyalo yakhe.

Izwe lakithi ngalishiya ngaduka nezintaba,
Ngibafulathela abaphehli bempilo yami,
Ezweni elikude ngabubhadama ubumnandi,
Emazweni ngabafumana abangani,
Ngalibala imiyalo nesicefe sokudonswa ngendlebe mihla namalanga,
Ngaqala ngakubona okuhle okukanhliziyo ngiyise,
Ngazinesa ngempilo kamathanda nhliziyo,
Nganyathela ka nyawo zami zinethezekile

Ozakwethu babebahle bekhazimula,
Emzimbeni bekhafula amakha,
Nami angizibekanga phansi,
Ngomnyama ongenanyezi ngabalandela,
Ngaye ngawuhosha umkhokha wonondindwa,
Emakhoneni omgwago sengiphenduke umahosha,
Ngigqebhezile bathe angivez' amathanga,
Bath' uvalo nengebhe angikushise ngamanz' amponjwana,
Bath' umzuliswano ngizowubiza inyathi,
Nebala ngayithatha imiyalo yabo,
Ngayilibala enganiselwa ngayo ngikhuliswa,

Besiphuma sihaze lonke idolobha njengamachwane esikhukhukazi,
Besilala nabanumzane bemizi,
Besilala nobaba abanemikhaba,
Impilo sayiphila ngesandla sesinxele ngaphandle kwesisekelo,
Namhlanje abasekho abangani abazongisekela,
Igazi lami selingijikele langidla ngombulalazwe,
Sengisele ngingedwa akusekho ukubuyela emuva,
Sengihlezi ngibuyekeza lemiyalo,
Engasoze yabuyela emuva ngiyenze kabusha.

Engabashiya emuva ngiyesaba ukubabheka,
Mengibona ontanga engakhula nabo ngingena ezintangeni,
Nabo abasangiboni ukuthi yimi lona,
Engangidonsa amehlo esoka lingaphesheya,
Ngezikhathi zami kwakuyimi,
Kepha manje kancane kancane ngiyaphela ngaphakathi,
Ngahamba ngayishiya imiyalo yabazali,
Namhlanje endlini yokuzikhulula ngichama igazi,
Ukufa sekumuka nami uthuli,
Umzimba wami ugawuleka amalunga ngamalunga,
Iyangidla lento ngaphakathi.

POET'S NOTES ABOUT THE POEM
Iyangidla lento.
- -
By senzokhaya, © 2013, All rights reserved.
COMMENTS OF THE POEM

ngazizwa ngisekhaya kwathi anigbonge lawo magama agasela ahlaba lwephukela

0 0 Reply
READ THIS POEM IN OTHER LANGUAGES
Close
Error Success