Ishq Ka Dard Poem by Abhishek Omprakash Mishra

Kya Hota Hai Ye Dard Batayenge Ek Din,,,
Pyaari Si Ghazal Tujhko Sunayenge Ek Din...!

Thi Unki Ye Zidd Unko Manaun Main Pyaar Se,,,
Mujhko Ye Guman Tha Wo Bulayenge Ek din...!

Socha Nahi Tha Aisa Ki Ho Jayega Yun Bhi,,,
Aise Wo Mere Dil Ko Dukhayenge Ek Din...!

Puchha Hai Apne Aap Se Har Roz Hi Yahi,,,
Kya Rukh Pe Tabassum Wo Sajayenge Ek Din...!

Itna Yakeen Hai Hamko Jo Door Ho Chale Hain,,,
Wapas Hamare Paas Hi Aayenge Ek Din...! ! !