Hatud Sa Ngabil Poem by Jake Tadla

Hatud Sa Ngabil

Mingdausdos and lapok sa da’n.
Ang inahan mingisi sa iyang anak
Samtang nagapahimulos sa duwa-an.
Matang naulit sa panghitabo.

Sa dihang nagpangatagak na unta
Ang gasidlak gikan sa mga panganod
Nagapasi-aw sa makadaghang pag-usab
Ang tanom haduol sa kasing-kasing.

Sa makadaghan pang mga higayon
Ang managhigala nagka-uban
Apan di’ gayud mahikalimtan
Ang nawad-ag bili nga butang.

Apan sa dihang nahawan ang maong lugar
Ug mingkapot na ang tanom sa kural
Wa’ nay nahimo ang tayhop sa hangin
Ug panagpuli sa adlaw ug dag-um.

Naghinay-hinay ug kamang ang tanom
Hangtud sa matabunan ang kural
Mao nga ang hanging nalingaw pag-ayo
Nangita’g mahatdan sa iyang ngabil.

COMMENTS OF THE POEM
READ THIS POEM IN OTHER LANGUAGES
Close
Error Success