Hari Ng Musika (Edited) Poem by Marites C. Cayetano

Oh, Hari ng musika
anong kapangyarihan meron ka
at tila nababasa mo
ang laman ng aking dibdib.

Oh, Hari ng musika
anong kapangyarihan meron ka
at iyong musika
ay tila gamot
sa aking kalungkutan.

Oh, Hari ng musika
anong kapangyarihan meron ka
at iyong musika
ay tila isang kamay
na nagtutulak sa akin
sa pangarap.

Oh, Hari ng musika
sa iyo ay aking hiling
na sana
sa iyong musika'y ituro
sa aking mahal ang daan
pabalik sa akin.