Gombototo, Man'A Ne Nhamo Poem by Tinashe Mupedzapasi

Taizviona tichakura
Sekuru vachiurova mudhombo munhekwe
Vosanganisa nerota ne marara echimonera
Voukeva vakafinyama sevanosvisvina munyu
Voti vohetsura vaiwanzwira urombo
Dzihwa rakati tsva-a kunge chin'ai
Kana vokararadza vaiti pavo poguma
Vopfira godo raisemwa kunyangwe nembwa

Vemazuvano vorova dzakaputirwa
Mushonga pamwe nehuru
Zvizhinji zvova mhandu dzehutanho
Voseka vakare voti vakasara
Asi vose vakarembera padavi rimwe
Muvengi anovaparadza mumwe
Gombototo; man'a ne nhamo