Ghazal! ! ! (Urdu) Poem by Shahzia Batool

Ghazal! ! ! (Urdu)

Rating: 4.1


Arsa e zeest ko sadiyon ka safar jana hay
Phir bhi ik roz tou hr shakhs ko mr jana hay

Meray Mabood tamannaon ka ambaar lye
Dar Tera chhor kar ab aur kidhar jana hay

Jald ponhchay khabar e khair musafir ki k phir
Sham ki qabr mein suraj ko utar jana hay

Kitnay dilkash se hua krtay hen aksar lekin
Ankh khultay hi tou khwabon ko bikhar jana hay

Saans chalti hey jisay dekh k hur dum apni
Uss ko duniya ki tamaazat mein shajar jana hay

Yeh jo manzil tumhe lagti he yeh manzil to nhi
Akhir iss se bhi kisi pal mein guzar jana hay

Dil agar mujh se lagao gay to pachhtao gay
Mein musafir hun mujhe laut k ghar jana hay

Ghair mumkin nhi dunya men koi kam Batool
Jo kisi se nhi hota hay wo kr jana hay...

COMMENTS OF THE POEM
R.k Das 27 June 2012

the beauty of good poetry is that it is appreciated before it is understood, , my knowledge in urdu [is monkey's knowedge is teh art of gardening] is very poor, , almost nothing u can say, , , but this poem i must confess from the reaction of a reader's instinct, , it is marvellous.. this is the best poem of my day, , thanx

1 0 Reply
Ramesh Rai 01 July 2012

Jo kisi se nhi hota hay wo kr jana hay... main bhi yehi sochta hoon lekin hairan hoon ki manzil nazar nahi aati.

0 0 Reply
Jazib Kamalvi 28 April 2017

Dil k dariya ko kisi roz utar jana hai......... Amjad Islam Amjad ki zameen main behtreen ghazal hai. Shukria

0 0 Reply
M Asim Nehal 27 September 2015

Kya baat hai Mohtarma, , , , , , , , , , , Kitnay dilkash se hua krtay hen aksar lekin Ankh khultay hi tou khwabon ko bikhar jana hay

1 0 Reply
Muhammad Ali 07 January 2014

mumtaz mufti likhty hn... k divany sy pucho k 'wo' q achi lgti hy. divana kahy ga k 'bs achi lgti hy'. achi lgti hy, ye hi ek jawaaz hy, phr koi or jawaaz os k pas nhn rhta. or shayad hota b nhn hy. m ye ghazal parhty hoay muskra rha tha, q k mera zayaqa yehi hy, or koi kmi b nhn hy. mjhy achi lgti hy.

0 0 Reply
Passionate Reader 03 July 2013

Very emotional and very well crafted with a strong message! ! ! Dil agar mujh se lagao gay to pachhtao gay Mein musafir hun mujhe laut k ghar jana hay touching lines. stay blessed! ! !

0 0 Reply
Rishit Desai 09 July 2012

Just brilliant. Toooooooooo good. Speechless.

0 0 Reply
READ THIS POEM IN OTHER LANGUAGES
Close
Error Success