Geoffrey Chaucer

(c. 1343 – 25 October 1400 / London, England)

Fortune


This wrecched worldes transmutacioun,
As wele or wo, now povre and now honour,
Withouten ordre or wys discrecioun
Governed is by Fortunes errour.
But natheles, the lak of hir favour
Ne may nat don me singen though I dye,
Jay tout perdu mon temps et mon labour;
For fynally, Fortune, I thee defye.

Yit is me left the light of my resoun
To knowen frend fro fo in thy mirour.
So muchel hath yit thy whirling up and doun
Ytaught me for to knowen in an hour.
But trewely, no force of thy reddour
To him that over himself hath the maystrye.
My suffisaunce shal be my socour,
For fynally Fortune, I thee defye.

O Socrates, thou stidfast champioun,
She never mighte be thy tormentour;
Thou never dreddest hir oppressioun,
Ne in hir chere founde thou no savour.
Thou knewe wel the deceit of hir colour,
And that hir moste worshipe is to lye.
I knowe hir eek a fals dissimulour,
For fynally, Fortune, I thee defye!

La respounse de Fortune au Pleintif

No man is wrecched but himself it wene,
And he that hath himself hath suffisaunce.
Why seystow thanne I am to thee so kene,
That hast thyself out of my governaunce?
Sey thus: 'Graunt mercy of thyn haboundaunce
That thou hast lent or this.' Why wolt thou stryve?
What wostow yit how I thee wol avaunce?
And eek thou hast thy beste frend alyve.

I have thee taught divisioun bitwene
Frend of effect and frend of countenaunce;
Thee nedeth nat the galle of noon hyene,
That cureth eyen derked for penaunce;
Now seestow cleer that were in ignoraunce.
Yit halt thyn ancre and yit thou mayst arryve
Ther bountee berth the keye of my substaunce,
And eek thou hast thy beste frend alyve.

How many have I refused to sustene
Sin I thee fostred have in thy plesaunce.
Woltow than make a statut on thy quene
That I shal been ay at thyn ordinaunce?
Thou born art in my regne of variaunce,
Aboute the wheel with other most thou dryve.
My lore is bet than wikke is thy grevaunce,
And eek thou hast thy beste frend alyve.

La respounse du Pleintif countre Fortune

Thy lore I dampne; it is adversitee.
My frend maystow nat reven, blind goddesse;
That I thy frendes knowe, I thanke it thee.
Tak hem agayn, lat hem go lye on presse.
The negardye in keping hir richesse
Prenostik is thou wolt hir tour assayle;
Wikke appetyt comth ay before syknesse.
In general, this reule may nat fayle.

La respounse de Fortune countre le Pleintif

Thou pinchest at my mutabilitee
For I thee lente a drope of my richesse,
And now me lyketh to withdrawe me.[Riv., p. 653]
Why sholdestow my realtee oppresse?
The see may ebbe and flowen more or lesse;
The welkne hath might to shyne, reyne, or hayle;
Right so mot I kythen my brotelnesse.
In general, this reule may nat fayle.

Lo, th'execucion of the majestee
That al purveyeth of his rightwysnesse,
That same thing 'Fortune'' clepen ye,
Ye blinde bestes ful of lewdednesse.
The hevene hath propretee of sikernesse.
This world hath ever resteles travayle;
Thy laste day is ende of myn intresse.
In general, this reule may nat fayle.

Lenvoy de Fortune

Princes, I prey you of your gentilesse
Lat nat this man on me thus crye and pleyne,
And I shal quyte you your bisinesse
At my requeste, as three of you or tweyne,
And but you list releve him of his peyne,
Preyeth his beste frend of his noblesse
That to som beter estat he may atteyne.

Submitted: Sunday, May 13, 2001
Edited: Sunday, May 13, 2001

Do you like this poem?
0 person liked.
2 person did not like.

What do you think this poem is about?



Read poems about / on: light

Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Comments about this poem (Fortune by Geoffrey Chaucer )

Enter the verification code :

There is no comment submitted by members..

PoemHunter.com Updates

New Poems

  1. The smell that brought back memories, Sneha R.V
  2. About Me, Sreeram Vasudevan
  3. Maturity, RAJESH.C BOSE
  4. Exhausted, Paola Degli Esposti
  5. Emptiness, michael walkerjohn
  6. Invisible Love, Kumarmani Mahakul
  7. When Fishes Flew, Gilbert Keith Chesterton
  8. Restricted And Limited, Lawrence S. Pertillar
  9. The Song of Elf, Gilbert Keith Chesterton
  10. Love Is Not My Trade, Melikhaya Zagagana

Poem of the Day

poet Robert William Service

Just Home and Love! the words are small
Four little letters unto each;
And yet you will not find in all
The wide and gracious range of speech
Two more so tenderly complete:
...... Read complete »

 

Modern Poem

poet Paul Muldoon

 

Trending Poems

  1. Daffodils, William Wordsworth
  2. Annabel Lee, Edgar Allan Poe
  3. The Road Not Taken, Robert Frost
  4. Home And Love, Robert William Service
  5. Being With You, Heather Burns
  6. In The Forest, Sarojini Naidu
  7. Nothing Gold Can Stay, Robert Frost
  8. A Prayer in Spring, Robert Frost
  9. A Lover's Complaint, William Shakespeare
  10. Coromandel Fishers, Sarojini Naidu

Trending Poets

[Hata Bildir]