Diwali Poem, Diwali Ke Is Tyohar Ko Poem by Deepak Kumar deep

Diwali Poem, Diwali Ke Is Tyohar Ko



Raam prabhu jab van se aaye
Ayodhyavasi khusi manaye
Saji Ayodhya dulhan jaisi
Sabne ghar me diye jalaye.

Tab se mana raha har koi
Diwali ke is tyohar ko
Jeet huwi hai sach ki hardam
Sandesh hai ye sansaar ko

Thaal saje hain deepon se
Hathon me phulon ki mala
Deep se deep jale chaun orr
Door andhera huwa uzzla.

Rang birange balbon se hi
Saja huwa hai har ek aangan
Main nahi kahta kahte sare
Parav hai kitna ye manbhawan.

Amber me bhi chamke tare
Rocket jo aakash me jate
Wo bhi khud ko rok na pate
Dekhne ko wo zami pea ate.

Kitni sunder hai ye dharti
Par pradhushan ne kiya prahar
Deewali me jalte patakhe lakhon
Jo karte watavaran ko bekar.

Pran Karen is diwali par
Nahi chuvenge koi bom
Hamari dharti bachi rahe
Tute na insano ka dum.

Khao khub, khilao khub
Har insan ko gale lagayen
‘deep’ Mubarak deta sabko
Milkar ye tyohar manayen.

COMMENTS OF THE POEM
Sonali Sings 26 October 2011

A nice gift of poet this festive season to all with a note on pollution free earth. Happy Diwali! ! !

3 2 Reply
READ THIS POEM IN OTHER LANGUAGES
Close
Error Success