Dangoyngoy (Sobs) Poem by Inday Prising

Nag-uwan na usab
ug ania napud ako
Nag-inusara
Naminaw ining karaan nga kanta

Tugnaw ang hangin
nga nikitkit sa akung panit
ug kusog ang sitsit sa uwan
nga nagpukaw kanako

Baho sa laya nga mga buwak
ang nipuno sa akung lawak,
nakita ko ang mga abo niini
sa hangin naglupad-lupad

Kining kinit-an nga pluma
ug hinatag nga papel lamang
ang nakabati ining
mga dangoyngoy

Ang duha ka nag-inusarang
Handumanan
sa mga tinago ko
nga pagbati

Sa pagbiya sa uwan
Nabati ko ang makabungol nga kahilum
ug ang mga syagit sa kasakit nga
dili gayud mahilum


~ming