Anino Ng Darating Poem by Bernard F. Asuncion

Anino Ng Darating

Rating: 5.0

Ipinagbabawal ng Panginoong Diyos
Ang pagkain ng dugo ng hayop o ibon;
Mula pa sa panahon ni Noe ay utos
Na ang dugo ay dapat sa lupa ibaon.

Sa bayang Israel ay ipinagbawal din,
Ang paglabag ay mabigat na kasalanan;
Itinitiwalag ang sinumang kumain
Ng dugo kahit hinaluan pa ng laman.

Hanggang sa panahon ng mga huling araw,
Ang kabawalang ito ay nagpapatuloy;
Dugo ng manok, kambing, baka o kalabaw,
Huwag kanin matapos iluto sa apoy.

Ang pantubos noong una'y dugo ng hayop,
Kaya ito'y banal, mabuti, at magaling;
Sumunod tayo sa Diyos at magpasakop,
Dugo ng hayop ay anino ng darating.

Anino Ng Darating
Sunday, May 28, 2017
Topic(s) of this poem: faith
COMMENTS OF THE POEM
READ THIS POEM IN OTHER LANGUAGES
Bernard F. Asuncion

Bernard F. Asuncion

Subic, Philippines
Close
Error Success