senzokhaya umhayi

(1991/07/30 / Mtubatuba)

Anginalutho Esandleni


Intokozo ngeyethu,
Umoya wami uyathokoza lapho unukelana nephunga lakho,
Inhliziyo yami iyakitazeka uma ikhahlelana neyakho,
Amehlo ami ayayibona inhlansi uma ebhekene nawakho,
Amaphupho ngiyawadlinza ephumelela sibabili uma ungowesibili 'nhla kwami,
Angiyiboni impumelelo uma wena uphesheya komfula,
Noma ngingenalutho esandleni uma esami sibambe esakho isandla,
Esakho isandla sifane nezulu nomhlaba kwesami,

Mpilonhle mpilonde lapha kithi,
Khethokuhle ngikhetha khethe engimthandayo,
Injabulo yami ayiphile enhliziyweni yakho,
Ubambo lakho angingalephuli,
Angingabi imbangela yokuhluthuka komoya wakho,
Angikunike lonke ngezandla ezimhlophe,
Zimhlophe nje azinanto,

Eyami indima ayikho nzima kepha ijulile,
Olwami uthando alunabucwebe kepha lunzulu,
Amaphupho ami ngawe awanawo umkhawulo,
Okulapha ngaphakathi kwami okwemizwa,
Kepha okuzwa ngomlomo wami amagama nje ahlanganisiwe,
Engiwasho ngenhloso yokukugcobisa amafutha achichima ngaphakathi esifubeni sami,
Okomlomo okuphinyiseliwe nje,
Izenzo zizokwelandela,

Ngaphandle kokuzilengisa ngemigomo nemibandela,
Ngaphambi kokuba ngikwethembise okungaphezu kwamahlombe ami,
Engikusho ngomlomo uzokukholwa ngezenzo,
Alikho izulu nomhlaba ndawonye kwelakithi izwe,
Kwamina angikaze ngiyigibele indiz' mshini,
Nezindodla zegolide nesiliva zange ngazitapa ngezami,
Izandla zami zikhangezile njengegula,
Wena thela uthando njengamanzi,
Ze ngithintithe ukoma,
Entendeni yesandla sami kulele ikati,

Emhlabeni angicebile ngidla ibhuya ngothi,
Ubukhazikhazi ngincishiwe khona,
Nami ngiyathanda ukuzicupha ngokotini kanokusho,
Nami ngelinye ilanga ngiyafisa ukukuthengela umgexo wedayimane,
Ontanga bami bangimpintshile ngesidwedwe,
Kepha uze ungadidwa ubukhazikhazi nobucwebe basemhlabeni,

'Okomhlaba kuyosala emhlabeni, kepha ngizokunika okuse nhliziyweni, ngoba khona kunguna phakade'.

Anginalutho esandleni.

Submitted: Tuesday, November 19, 2013
Edited: Wednesday, November 20, 2013

Do you like this poem?
0 person liked.
0 person did not like.

What do you think this poem is about?



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Comments about this poem (Anginalutho Esandleni by senzokhaya umhayi )

Enter the verification code :

There is no comment submitted by members..

PoemHunter.com Updates

New Poems

  1. Annihilation of trust, Aftab Alam
  2. Take My Things..., Mr. Nobody
  3. power of youth, maharshi trivedi
  4. Let the body die, why should I die?, Aftab Alam
  5. artist, maharshi trivedi
  6. life of indigent, maharshi trivedi
  7. I Freaking Hate Beer!, Mr. Nobody
  8. PROBLEM OF TODAY'S ERA, maharshi trivedi
  9. FREE FALL, Bironga Chadwick
  10. Imbalance, Hans Raj Sharma

Poem of the Day

poet Robert William Service

Just Home and Love! the words are small
Four little letters unto each;
And yet you will not find in all
The wide and gracious range of speech
Two more so tenderly complete:
...... Read complete »

 

Modern Poem

poet Paul Muldoon

 

Trending Poems

  1. The Road Not Taken, Robert Frost
  2. Annabel Lee, Edgar Allan Poe
  3. Invictus, William Ernest Henley
  4. A Dream Within A Dream, Edgar Allan Poe
  5. I Know Why The Caged Bird Sings, Maya Angelou
  6. Do Not Go Gentle Into That Good Night, Dylan Thomas
  7. Home And Love, Robert William Service
  8. No Man Is An Island, John Donne
  9. Phenomenal Woman, Maya Angelou
  10. One Art, Elizabeth Bishop

Trending Poets

[Hata Bildir]