Ang Mapit'Os Nga Dalan Poem by Alice Cuenca

Mipadal-os ang kahayag
sa taliwala sa langit ug kanawan,
mihikyad ang adlaw nga nahimong
tukod sa unos sa panahong naghagit
ug misala sa utlanan
sa lamukat nga balatian

Ang pluma nagtangtang
sa hinikut nga pulong
nga milihay sa kamatuoran.
Nagtyabaw ang kahilom ngadto sa hangin!
sama sa espongha, misalupsop ug kasakit

Ang kinaadman ba molihok
kung ang panghunahuna binilanggo?
Puga-a ang hangin! aron maluwas
ang sayop nga patik sa alimpatakan

Alang sa kagawasan,
ang walay pagkupas
nga kolor sa balangaw