Ang Aking Mundo Poem by Marites C. Cayetano

Ang Aking Mundo

Ito ang aking mundo
mundo ng pag-ibig
mundo ng kapayapaan.

Dito sa aking mundo
maghagis ka man ng bato
ang maibabalik sa iyo ay tinapay
magdulot ka man ng luha
ang masisilayan mo ay ngiti
sapagkat dito sa aking mundo
walang puwang ang poot
walang puwang ang paghihiganti.


Aking munting pagpupunyagi
di mo man kilalanin
dito sa aking mundo'y
di mo matatagpuan ang himagsik
sapagkat kapayapaan
ang siyang namamahay
dito sa aking mundo
dito sa aking puso.

Ito ang aking mundo
mundo ng pag-ibig
mundo ng kapayapaan.

Sunday, September 25, 2016
Topic(s) of this poem: peace
COMMENTS OF THE POEM
READ THIS POEM IN OTHER LANGUAGES
Close
Error Success