Amaxesha Ngamanye Poem by Anele Potelwa (Unpublished)

Zibik'ingxelo izithunywa zobomi
Zith'ulutsha lunamehlo kodwa aluboni
Ndlebe zibukhali zibuthuntu
Ziphulaphule kodwa azinamntu

kuzizihandiba ziphehlelwa kwangabo
Iziyobisi zihlohlwe kwezo ngqondo zabo
Ngahle babik'ukukhubeka kwesizwe
Okanye bonwabel'intsokolo ngobuzwe

Yhe! Wethu, hlamb'izandl'uxhom'ithemba
Ewe mfondini hlikihl'induma aphelil'amatshamba
Libhubhile ilizwE ngalamatyendyana
Waphusil'uxam kwesi simanga sezintsizana

Sithi kwakungamele kube nje
Kodw'intswela mbek'ilishiy'ikhaya linje
Ngeba ndithi kuzophinde kulunge
Ngumnqanysa lona indlela yoludwe nelinge

Amaxhego ancamile ohlulekile
Abazali bashiywe nezontliziyo zidangele
Kona-kona mabangabekwa tyala
Kub'isiqhamo somtyali naso siyayibanga indlala

Wone phi na mzali?
Kuba umsulwa yena umtyali
Zone phi na Iingcebiso zamaxhego?
Kub'iimboniso zantlandlolo yayiyimibengo
Lwabhilit'ulutsha!
Baxhatshazw'ubutsha!