Ab Likh Nahi Paata Main! ! Poem by Shagun Khera

ek din panno pe likhi tehriri se puch liya maine! !
Kyu nahi likh paata hu main tumhe aajkal...

Kuch unghte hue bade anmane andaaz mein boli
tumne to mera saath bahut pehle chord diya tha..
yaad hai.. kabhi woh nalke ki tap tap aur ghadi ki tik tik mein mujhe dhoond liya karte the...
kabhi apni tanhai main, simti hui chadar mein meri taraf jhaank liya karte the..
kabhi kisi guzri hui yaad mein mujhe peero baant liya karta the..
tumhe mujhe kabhi dhundna nahi padta tha, , , .
main to yuhi tumhare kapdo ki he tarah.. tumse lipti rehti thi..

yaad hai.. kabhi tumhe neend nahi aati thi...to meri aagosh mein sar jhuka kar, mujhe apni dil ki baat kar liya karte the..
aur jab thak jaate the...to kisi bache ki tarah...mera haath thaame so jaate the..
kabhi naaraz hokar mujhe bigad jaate the..
apni kashamkash mein kabhi mujhe yaha...kabhi waha rakh dete the...
kabhi itna kuch kehkar bhi... mita dete the...
aur main taktaki lagaye...tumhe dekhti rehti thi...

tumhare dard ko tumhari saans ki tarah mehsus kiya hai maine..
jab.. rote hue..tumhare aansu...meri chehre pe aa girte the..
ha, lekin, apni dil ke baat kehne ke baad...ek mand si muskan jo tum meri taraf mord dete the...
use aaj tak apne dil se lagai baithi hu...

kitna waq ho gaya hai...kuch yaad hai tumhe..
chua nahi tumne mujhe..
apni zindagi ke khayalon ki bhird mein... mera haath chord diya hai tumne...
kabhi tatoola bhi nahi...
ke main waha hu bhi ke nai..
ya kisis purani yaad ki tarah tumher zehen ke kisi kone mein kho chuki ho...
bas kisi purane saaman ki tarah.. ek atechi mein band karke rakh diya hai...

naaraz thi woh mujhe bahut..
aur mere pass na tu uske sawalon ke jawab the.. na hi usse manane ka koi bahana..
kya kehta usse... ke dil ke zakhm ab itne ho chuke hai ki..tumhe bayan bhi nahi kar sakta...
ya yeh batau... ke is akelepan mein itna kho chuka hu..
ke khud ko bhi nahi pechan pata aksar..
kya batau usse...
ke tumhe chahta bahut hu...
par shayad lazf he nahi dhoond pata hu main ab..
koshish bahut karta hu...
par shayad likh nahi paata hu main ab...
ha shayad likh nahi paata hu main ab! ! !