Aakhir Kyon? Poem by Poonam Mehta

Jab paas bula kar baat ho sakti hai
to phone ki jaroorat kyon?
Karib bethe vyakti ke liye samay nahi
meelon door itni baaten kyon?

Hoth see diye saas ke
Apni maa se itni mohabbat kyon?
Samajhdaari tujhme bahut hai lekin.
apne paraye ka ye bhed kyon?

\Ek kamre mein hai saat
aur saat kamron mein tu akela kyon?
humdum bina jeena hai mushkil
phir pyaar jataane mein itni deri kyon?

Bhare hain tere bhandare phir bhi
dil ka darwaja itna chhota kyon?
bhara ho gar paimana to
woh bhi chhalak jata hai
phir doosron ke dard mein tu itna tangdil kyon?