गोरबो इसिँनिफ्राइ -98 Poem by Ronjoy Brahma

दिनै आंनि रंजानाया बानायाव
बावगारथारबाय नोँखौ गोरबोआव
नै जोँमा नोँखौ खुलुमो
-
गसाइ आरोबाव होखार होखारहर
मैला गोनां आंनि रंजानायखौ
एरायनो लामाखौ गोसोआव
हनै हनै आफा बिरदोँ हाद्रिया खोमसियाव
-
लोगो हरखाब मोदै गनाय मेगनाव
लाजिनांनाय मोखांआव
नै जोँमा लाबो लाबो बेखौ जिउआव
-
नै जोँमा आफा लोगो आंनि
नोङो गासैबोनि मिथिगौ गिरि
आंनि रंजानायखौ नोँनो बावहरो
हो आंनो गोथार गोदै मिजिँखौ
-
सना थाबायनाय लामायाव हार्सिँ मोदैयाव
दावबायबाय आं मिजिँआव
लोगो दावबायबाय आं मिजिँआव
-
नै गिरि ओँथि गैया आंनि
गासैबो रंजानाया हाद्रियाव
हो आंनो दिनैनि निहोर फुंआव
बिलिर बिलिर गुसु अननायखौ
-
लोगो गुबुंले हाद्रि गोरबोखौ गासोमनानै
नै आफा नोँखौ खुलुमो दिनै
निजोम गुसु निहोर फुंआव।
-
23/12/2014
गामियाव