गोरबो इसिँनिफ्राइ -97 Poem by Ronjoy Brahma

गोरबो इसिँनिफ्राइ -97

अबं नोँनि सोरजिमायाखौ
नुयो आं फुंनि मेगनखौ बिलिरब्ला
आंखौबो होदो गियानै दाना सुबुंनि
हास्थायनाय रनसायनाय सोमखोर मिथिँगानि
-
नै आफा सोरजिगिरि
दिनै नोँखौनो खुलुमो दुखुआव
गासैबो मोदै फुंनि निहोर खुवायाव
-
दिनै नोँखौनो खुलुमो दुखुआव
नै अबं गोमोहाबो फुषनि गुसु दिनैलाय
नोँनि सोरजिमा मिथिँगाखौ सानै सानै
-
आंखौ फोरोँदो गिरि
गासैबो गियान हमदांमाखौ
हरदो गिरि हरदो
दिनै नोँखौनो खुलुमो दुखुआव
-
मेगनाव नुजानाय सोरां रोदाखौ
नोँनि अननायजोँ गुस्लायनाय
देलाइस्रि फैलाव बुहुमाव
साया साया थाबायो फिसाया
-
दिनै हरदो आफा गियानखौ आंनो
साननो हानाय गोसोआव फारि फारि
दिनै नोँखौनो खुलुमो दुखुआव।
-
18/12/2014
गामियाव

Saturday, December 20, 2014
Topic(s) of this poem: prayer
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success