गोरबो इसिँनिफ्राइ- 85 Poem by Ronjoy Brahma

बोहैहोनानै गोगो गोलोमदै सोलेराव
जिरिसे थरथिँ फसरनानै मोदै
दिनैदि मानोबा सानसुथिर समाव आर'ज
मा जाखांदोँ हाबाब
मा बेयो गोरबोआव?
-
जोँमा सोरांआदि बेरलाव मेगन
नायबाय थादोँ सोलेराव
हनै अबंआदि मिनिस्रांदोँ
-
रजे हांख्रायो दिनैदि आरो गोरबोआव
थांनांगौ लामायाव लोगोसे
लोगो लामानि गेजेरजोँ थाबायनानै
-
थायनै मेगनजोँ लोगो लायो मोनसेयाव
समायना मायबिदांआ मोसायो
गोरबोआव सिँ सिँ लाजियो
मादि सान्दोँ हार्सिङै बेयावदि
-
गोरबो खनायाव मा दं गोरोन्थि
मिथिनो नाजायो बेखौदि
बोखार गासिबो लामायाव जेँसिखौ
खावलायो आरोबाव बेखौदि
गास्लिद गोरबोनि नंखाय मायाखौ
-
सना जिउनि आन्दो फैसालिखौ
बोला होनना बुङो दाख्रायना
लांदो आंखौ साबनानै सोरांथिँ
दादोन्थोँ जिउखौ खोमसियाव
-
गसाइ दिनै बेखौदि खावलायो नोँथांखौ
आर'जखौ आंनि आजावदो होन्नानै
गसाइ हां बार सुस्रांनानै।
-
03/10/2014
गामियाव