जिख्लाबसे लाइजाम: 'रैसुमै'नो 750-760 Poem by Ronjoy Brahma

750
मोनफ्रोमबो बुब्लियाव नोँजोँ लोगोआव
बेसेबा मोजां मिजिँ जिउनि
साजायनाय समायना देरा-
मोजां मोनो हाजासे।
751
नोँ मोसायो आंनि मेगनाव
मेगन हुब्लिरो आं-
नोँ आंखौ सोगाबो
बेयोदि आंनि हास्थायनाय।
752
आं फोरमायनो लुबैयो
नोँखौ बेसेबां मोजां मोनो-
बै समा; आं मिथियो
बियो नोँ आरो आंनो।
753
नोँ मिथिया जेबो
बेसेबां मोजां मोनो आं,
नोँ जेबो मोन्दांङा
बेसेबां जोथोन लायो आं
खोनासं- आंनि नोँ जिउनि।
754
आंनि समाय नोँनि
नोँखौ नुब्ला आं मेसेबा
बुङो सोदोब मोनसेल'
नोँ आंनि।नोँ आंनि।
755
आं नोँजोँ लोगोआव
रैसुमै, रिङो आंनि गाबज्रिनाया?
अ' नङा बियो गोसोनिसो
रिङा बियो नंखाय बाराव।
756
आं गोमोयो, आं नोँखौ नुयो
मिनिसुलु आरो नोँदि लाजिस्लु
जेब्ला लामायाव मेथाइ खनो-
आंनि जिउमायाव नोँनि मुस्रिया
फैयो, बेसेबा समायना।
757
अखाफोरनि सोरांआव आंनि खन्थाइ
लिरजानाय नोँनि मुंङै बिखानि राव,
जोँखोल जोँखोल हार्थखि
बेसेबा समायहोयो नोँखौदि।
758
सना, दा मिथिबाय नोँ
आंखौ, आंनि गोसोखौ-
माब्लाबा आं सानबाय
नोङो मिथिगौ आंदि सिरि सिरि।
759
नोँ रंजानो सोलोँदोँ
रैसुमै मिथिँगा साजायै-
नोँनि जिउ आंनि अनगा?
आंदि नोँखौ मोजां मोना?
आरो बेसेबा हानायसिम।
760
आंनो मोनसे बुब्लि नांगौ
आंनि मोजां मोन्नाय फोरनो-
आजावजाथाव अनसायनाय
बेयो जोबथि सानाव फैसालिनि।