गोरबो इसिँनिफ्राइ -75 Poem by Ronjoy Brahma

माबे हास्थायनायजोँ जिउनि लामाखौ लाखो
बबे गोरोन्थिखौ मोन्दांखो आङो नेवसिनायाव
सोरजिगिरि आंनि
राहागिरि आंनि
मिनि रंजानाय आय' जिउ
मा थांखियै फैखो रंजानायाव जोनोमा
-
खैसारि खेलेँखारि फैमाल बुहुमाव
फैयो मोब्लिबगासे दुखुआ
मिथिस'यै गोब्राब आनजादआव
माबे गोहोजोँ उथ्रियो
देरहानायाव
-
बै सोरजिगिरि अनसुलानि मददजोँ
गाबो अरायबो मिजिँ हाबिला आर'जआव
माबादि लुबैनायाव थाङो फेलेङा
सोर गिरिनि मिथिस'वा
आय' गाबो आं फेलेँआव
-
जिँगानि सिमा गैया दाबो
सोरनि नोजोरा बायफ्लेयै जाख्लाब फैयो
आं थायो थेवबो बावगारना
-
बै हास्थायनाय जिउनि गोथोँ लामायाव
थुंगे गैयै बोहैयो हाबिलाया
इसिँनिफ्राइ मिथिया आय' आंनो आंखौ गिरि
-
माबे हास्थायनायजोँ
जिउनि लामाखौ लाखो
बबे गोरोन्थिखौ मोन्दांखो आङो नेवसिनायाव।
-
10/06/2014
गामियाव