गोरबो इसिँनिफ्राइ -73 Poem by Ronjoy Brahma

गोथौ खोमसि अखानि हराव
फालो फालो एम्बुनि
मोदै हुगारना आर'जआव
हायाखै बिफा नोँबो थानो दिदोमै
-
गसाइ मोदै फसरदोँ नोँबो आय'
थरथिँ थरथिँ सोदोब बोहैग्लाबनाय
आंनि थिँ उखुमाव गसरदोँ
-
गसाइ निजोरा बोहैदोँ गोजोँ जोँख्लाबनाय
बैसुमुथिनि बिखायाव गसरदोँ
गसाइ दिनैनि हराव
-
सोदोब गोनां नोँनि
गाबै हब्रानायाव हायाखै
जेराव सिरि मोन्दोँ आंबो
बिफा आय' आं नोँखौ गंग्लायो
दिनै लागोन मोदै नोँनि आङो बिलिरनानै
-
हरसे बारलांनो गेजेर समाव
नुआखै आं आय' सिमांआव मिनिस्लु जोँमा
दायो आं नोँखौ खुलुमो आय'
गंग्लायनायाव आं नोँखौ आखाय खबजबनायाव
गैया थेवबो आर'ज आंनि
-
नोँनि मोदै फसरै मोफ्लामनाय मेगननि
नायहरो आं मिथिँगाखौ गंस्रिनायाव
नै आय' आंनि बिफागिरि
इनाय अगेना बारनथोँ आंनि
दै बानायाव
थाथोँ आं आय' नोँखौ
गंग्लायनायाव
-
गसाइ गंग्लाय जानाय गिरि
थाथोँ गोरबोआव
आखाय खबजबनायाव
नोँखौ खुलुमो गोरबोजोँ गोरबोआव।
-
09/06/2014
गामियाव