दिनै जुब जुब अखानि थरथिँआव
दिनै गोगो गोजोँ अखानि बोहैनायाव
रंजादोँ अख्रां नायदावना
मा गोसो बेन बेन सिलानि हाब्रुआ
-
दिनै गोजोँ अखानि थरथिँआव
दिनै रंजानायाव नुदोँ फालोसे
बोदोर मिनिग्लाबनाय
बिलो जाम्फै गिदिँ गिदिँ
नुदोँ बाज्ल'यै मोसानाय एम्बु बंग्लानि
-
दिनै आज्लं गोदोना फोलाव
नायहरदोँ मिथिँगाखौ थमेन थमेन
लाइफां दिँखिया बेन्दोँमोनहा
-
आय' दिनै गोरान आंनि गोसोआ
दिनै रानज्रिँ मिथिँगाया
रंजादोँ अखानि गोजोँ थरथिँआव
लोगो गुसु बारनि गिदिँनायाव
-
दिनै जुब जुब अखानि बिलोआव
नुदोँ बोदोर रंजानाय फालो फालो
दावबायनाय हांसो सिलारिनि
-
दिनै देलायस्रांदोँ मिथिँगाया
दिनै हायना सारफावदोँ मिथिँगाया
देलाय देलाय महर दिन्थिदोँ
बिफां-लाइफांआ।
-
07/06/2014
गामियाव
This poem has not been translated into any other language yet.
I would like to translate this poem