गोरबो इसिँनिफ्राइ -57 Poem by Ronjoy Brahma

गोरबो इसिँनिफ्राइ -57

गाबबाय आं मोदै हुगारै
माब्लाथो गोमोरगोन आय' हाबिला
आरोबाव माब्लादि फैगोन गोदान मिजिँआ
गोरबोआदि गाबो बेवहायबो
-
लोगो सोमोनांथाव संसाराव
गुस्लायसुला मिथिँगायाव
गोदान बिथ'राइ गोदान बिलाइ
खिलियो
आरो सिरिलाङो
गसाइ
-
गोथां बिलाइनि दै गोरबोआव
सिरिगोन माब्ला बबे बारजोँ
बे हास्थायनायखौदि
मोना गोजान जिउआव
-
फुंबिलिनि साना जारौ जोँनायजोँ
बिलिद् जाथावै मोखां खिथिनानै
आर'ज गाबदोँ आफा
गले गले
खाटा मोनस्लाबै घड़ीना समखौ
फोजोब्बाय आं माबा लुबैनायाव
-
मोनाबिलियाव आं बावगारलाङो नोँखौ
रंजानाय माबा गियानआव
आरोबाव गोसोआव आंनि हाबिला
फुंबिलिनि दरखंआव नेना थानो
-
लोगो अब्लाबो आंनि गोरबोआव
माबा सिमां
जाखांफैयो मिथियै सिमां
-
लोगो नोँखौ लोगो हमनो सम फुंबिलिया
गावनो गाव आनज्राय लाङो
अब्लाबो मेगनाव निसा
मेगन मोदै
हाया अरायबो फैलेँङै थाङो
गसाइ गाबबाय आं मोदै हुगारै।
-
26/04/2014
गोजोनफुरि

Friday, July 25, 2014
Topic(s) of this poem: poem
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success