गोरबो इसिँनिफ्राइ -50 Poem by Ronjoy Brahma

दिनै थिँ थिँ गोसा सान्दुंआव
नोँनि थिन्नाय बोसोनजोँ आं
नाजादोँ नोँनि बिखायाव गोदानसालि
-
लोगो नोँनि मिनिस्लुनाय आंनि मेगनाव
रिफिनाय
समायना नुयो आं समायनाय
-
मिथिया आं आफा नोँनि रहस्य
आय' आफा मिथिया आंलाइ
गैया मेगन मोदै
उन्दुनो ओँखारनाय
बोहैलु रंजानायजोँ गोसो आंनि रंजानो
-
साननि बिदुं नांनाय सोलेराव
गोलोमदै निजोरा सोलेरनि बोहैनाय
आय' आफा समायना नोङो
-
दिनैनि मावनांगौ हाबाया
लासै दोबैबाय आंनि
गोरबो गावनि फेरलेबसे मिजिँजोँ
फैगोन देँखो हगारनाय
-
गसाइ साना जेरैबा
थाङा फेलेङाव सिलिँखारै
रंजाहो गोरबोखौ
मिनिस्लुनाय मेगनाव
फोजाव गोगो मोदैआव
जिउनि रंजानायखौ
-
लोगो रंजानाय सानाव रंजानो
बोदोर फाख'नाव
दान्दिसे थब्ल'नो
नायहर नायहर आफा
जोँमा नोङो
आंनि दरखं मेगन फैसालियाव
मिनिखैरो मिनिस्लु
रंजानायजोँ।
-
18/04/2014
गामियाव