बैसागुनि समायफ्लेनाय मिथिँगा
गसाइ गोदान बोसोर
रंजादोँ मिथिँगानि गासैबो
-
बेयाव जाखांफैदोँ गोदै रैसुमै
आफानि देँखो हगारनाय
गसाइ थाबावाखिसै गोबाव आरोबाव
बारनबोबाय बिदिन्थानि फुंसोरां
मुलुगाव जोँमा
मिनिस्लुनाय आफानि
-
दान्दिसे सुबुंनि आर'जआव मिनिस्लुनाय
गैलिया आरोबाव अखा हानाय
बोराबबाय आफा नोँ
सुबुंनि आखलाव
-
नै गोजोनबाय बियो दिनै आं सान्दोँ
गोजोनबाय आफा नोँ
बे रंजानायनि समायफ्लेनाय मिथिँगा
-
गिदोँ दाउसिना दिनै
रंजानो
गसाइ सुबुंनि सिगांआव समायना
दिन्थिना बोदोर रंजाखांनाय मोखांजोँ
-
लोगो बे गोदान बोसोरादि रंजानाय
मिथिँगानि सिलायाव
मोसादोँ सुबुंल' हारा मोदोमजोँ
बेगेँ-बोलो फोरा फोरा
गैया आफा रैसुमै
देँखो रिँखांनाय
दं खालि खोमा माथुनांनाय
गारमा हब्राना होसिख्रावनाय
-
गियान अननाय बोलोजोँ
समायना नोँनि थान्दैखौ
थिनहरदो आफा जोँमा नोङो
आंनि लांगोना बुहुमाव।
-
17/04/2014
गामियाव
This poem has not been translated into any other language yet.
I would like to translate this poem