गोरबो इसिँनिफ्राइ -39 Poem by Ronjoy Brahma

गोरबो इसिँनिफ्राइ -39

फागुननि बार-मोदाय
हाद्रिजोँ गुबुंले
गोरोबफ्लेनाय आंनि गोसो
गासिबो गोरबोआ गोरोबदोँ
बिसुखे
-
बायदि हाद्रिनि बोहैनाय दाहार
सौखाव फैदोँ दरखं खिरखि
बोहैनाय हाद्रिनि बारआ
नारखाव फैदोँ
मेगन फैसालि रुगुं
आद्रा गुबुंथानाय मोदोमजोँ
गोरोबथारदोँ मिला-मिसा
-
होखारहर होखारहर गिरि
दिनैनि यज्ञनि मोदोमफ्रु मोदोमनायजोँ
अखा दामब्रा रानस्राव फागुनाव
-
गोमोरलांथोँ हाद्रिनि अखा बुहुमाव
थाजिम अननाय लुफावफै गोरबोआव
गले गले दोहौ अननाय बुहुमाव
जाखांथोँ आबुं अननायजोँ।

Wednesday, July 23, 2014
Topic(s) of this poem: poem
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success