गोरबो इसिँनिफ्राइ -34 Poem by Ronjoy Brahma

गोरबो इसिँनिफ्राइ -34

आंनि बे उजिगासे मानसि महरै
जोनोम लानाया
नङाथ'
फैला सेमबायदि
आंनि मोब्लिबगासे जिउआ
नङाथ' हाद्रिनि गुबुंले बिरथिँनाय
-
आंनि बे हन्थासे गोरबोआ
आंनि हन्थासे गोरबोनि
जायख्लंआ नङाथ'
खुवा खुनाय सानबोलावरि
खोमसि आन्दोयै
-
गोख्रोँ गोरबोनि हास्थायनायजोँ
नोँखौ हास्थायनाया
नङाथ' फेलेँ दाहानि सानबोलावरि
-
मिथिगौ मिथिगौ गिरि
थास' लाइनि दै आंनि
दै जिउआ
हास्थायो दान्दिसेयाव
अख्रां नायदावना
नोँनि अननाय
बोर खाफालाव
नोँनि आगदा आखायजोँ
-
हास्थायबाय हास्थायबाय
गिरि आं नोँनि अननाय
आंनि खाफालाव
दंमानि बोर खाफालाव।

Tuesday, July 22, 2014
Topic(s) of this poem: poem
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success