गोरबो इसिँनिफ्राइ -22 Poem by Ronjoy Brahma

फुंबिलियाव गोजोँ जोँथि गोग्लैफैयो
आफा मिनिस्लुनाय गेदेमानि
नोँनि हायनानि सोरांआव
दंनायमानि गासिबो गोरबोजोँ रंजायो
-
एमनिफ्राय सिखारना
मेगन बिलिरना नायो आं
मिनिस्लु जारौ मोखाङै दङ नोङो
गोरबोजोँ आंनि लोगो हमनो
-
नब'थिनि उन्दुहाबनाय
दावसा मोख्रेबा
सिखारदोँ बेरला-बेरथा
आफा मिनिस्लुनायाव नोँनि गोजोनना
थरथिँसे मोदै हुगारना बिसोर
-
जोँमा खुलुमो आं आफा
गोजोँ गोजोँ
नुजाथि फैनाय दिनैनि
फुंआव
गोरबोनि सानजा दरखंआव
बरायो गोरबोनि मासियाव
गोरबोनि सावरायना लानो नोँनिफ्राय
हाजासे आं अननाय
बोर सास्रिनाय
-
हो आफा आंनो खाफालाव
बोसोन
बोर मानि नोँनि
अननायजोँ आंनो
-
बेनिखायनोथ' आज'ज जिउनि
लोगो सुखु-दुखुनि
गसाइ रंजानाय-गाबनाय दान्दिसे
गिरि आजाव नोङो आर'ज आंनि।