गोरबो इसिँनिफ्राइ- 205 Poem by Ronjoy Brahma

गोरबो इसिँनिफ्राइ- 205

Rating: 5.0

नोँदि आंखौ गाबनो होयो
आरो बेसेबा गाबनो गियो,
थैनायखौदि आं एसेबां गियो
नोँनो आंनि मोदैखौ हुगारो।
नोँ आंखौ रंजा होयो
बेयावनोदि आं हाथर्खिजोँ रुजुफ्लाङो,
आं मुलुगखौ आन्दायो जेब्ला
नोँनो खोमसिखौ लाबोयो।
जोँसार बोयो हाथर्खिया खोमसियाव
हाथाइ रिजि रिजि मिनिनानै,
बिजिरख'नो हायै आंदि गोजोन्नायाव
होनबा नोँनो गोबा फैयो।
नोँखौ बुजिसवा नै लोगो
आंनि बिखायादि फांथेनाय,
अब्लाबो नोँनो आंखौ दैदेनो
आंनि बिखायाव एब्रेथारनानै।
नोँ आंनि जुदा नङा
फोरमाय आंनि सिमां नुनायखौ,
मिथिनानै लानि गसाइ मिथिनांगौखौ
नोँदि आंजोँ हरखाबै फैयो।
लोगो थादो आंनि उन्दुनायाव
फैदो आंनि सिरि मोन्नायाव,
नै लोगो आंनि मोन्दांथियाव
थादो आं दावबायनायाव।
14/07/2016

Sunday, July 31, 2016
Topic(s) of this poem: prayer
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success