गोरबो इसिँनिफ्राइ- 148 Poem by Ronjoy Brahma

गोरबो इसिँनिफ्राइ- 148

Rating: 5.0

आंनि गासैबो रंजानाया
नोँनि महरनिफ्राय सोमजिनाय
गसाइ नोँनि मुंनिफ्रायनो सोमजिनाय
आंनि सान्नाय आरो हमदांनाय
-
सैथोनि फुंखा सोरांनि रोदा
नोँनि मेगननिफ्राय थमेन थमेन
गसाइ बियो ओँखारबोनाय
लोगो नोँनि बिखानिफ्राय ओँखारबोनाय
-
गुदि बिजौ गासैबो नोँनिफ्रायनो
नोँनि नायहरबाय था गसाइ
मिनिसुलु मिनिना मिनिस्लुयैनो
नोङो अनसुला महरै थाबाय था
-
गसाइ खोमसिया फैयो आंनि सान्नायनिफ्राय
सोरां आं नुयो आंनि बुजिनायाव
जेराव आंनि जोनोम
गसाइ खोमसिया फान्नै जायो
-
आंनि बुजिनो गियानखौ हो नोङो
बे आंनि उनजायै मेलेमखौ उननो
गसाइ गोथौनिफ्राय गोथौसिन सान्नो
जेथो नांनाय मुलुगनि जेथो खेवनो
-
गसाइ आंनि बिजिरथि
जिउमानि फोरमायथि होनो
आं मागियो सोरां आरो सोरां
गसाइ बिनिखायनो नोँनि मिनिस्लुनाय।
-
20/11/2015
गामियाव

Friday, November 20, 2015
Topic(s) of this poem: prayer
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success