गोरबो इसिँनिफ्राइ- 135 Poem by Ronjoy Brahma

गोरबो इसिँनिफ्राइ- 135

Rating: 5.0

नैबे मोनाबिलियाव नोँखौ गाबज्रिनायाव
फैदो गसाइ फैदो फैदो
नुवाखै बे खोमसियाव नोँखौ
-
आंनि आन्दायनायखौ होखारनानै
फै गसाइ सोरां लानानै
आंनि गोरबोआव स्रां खालामनानै
-
मिनिनाय गैयै खोमसियाव
फांथेदोँ रोजा खोमसिया गोसोखौ
फैदो नोङो लोगो फैथारदो
नैबे मोनाबिलियाव नोँखौ गाबज्रिनायाव
-
बार जानानै फै नोङो
दुंहाव हांखुर जानायाव गोलोमनाय
बे गोलोमनायखौ लुस्र'फै
-
मेगनाव थाथेनाय रोजा खोमसिया
हमथाना खाथेदोँ मोखांखौ
नै लोगो सोरांखौ नागिरदोँ आंनो
बे दांग्रोमनायखौ होदो नोङो
-
हांखौ लांफै गसाइ नोङो
खोलो खोलो बारआव
रैसुमै सिफुं सुनानै सेराव
-
आन्दायनाया थाबावलिया बे मुलुगाव
हाद्रिखौ लानानै हारायाव
नै गसाइ गाबज्रियो नोँखौ
फैदो दिनै नैबे खोमसियावनो
-
आंनि आन्दायनायखौ नायहरनानै
नै गिरि लाना थांदो नोङो
नोँनि लोगो होन्नानै न'आव
-
आंनि जाम्बा गोरबोखौ बुथारनानै
फेजेनै फेजेनै हाद्रिजोँ गेलेनायखौ
बुस्रोद बुस्रोद बोना लांदो
-
नै गसाइ नोँनि गामियाव
होदो होदो लोगो नोङो
ग्रां ग्रां थाबायनो लाना थांदो
-
बे खोमसियाव आन्दायलिया आं
बिफा नोङो फैदो फैदो
नोँखौ नेयै नेयै थादोँ
फैदो फैदो लोगो नोङो
नैबे मोनाबिलियाव नोँखौ गाबज्रिनायाव
-
फैदो नोङो फैथारदो दिनै
बार जाना फैदो
आलो आलो आंखौ फोजावनानै
नोँनि देरासिम लाना थांगारदो।
-
07/10/2015
बंङाइगामि।लजिँआव

Saturday, October 10, 2015
Topic(s) of this poem: prayer
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success