गोरबो इसिँनिफ्राइ -13 Poem by Ronjoy Brahma

दिनै हराव आंनि मेगनाव
सानबायदि सोरां आय'
मानिबा रिफिनाय जाखांदोँ
गोरबोआव मोदाननाय ।
गोजोननायखौ आं जेब्ला
मागियो नोँनियाव
मोनो आं अब्लाबो गाबनाय,
नंखाय बे नंखाय आय'
गाबनाय मिनिनाय आंनि
गासिबो नंखाय ।
हरदो गशाइ आंनोबो
मिनिनाय
अरायबो मिनिबाला;
लांफिन्दो आफा लांफिन्दो
आंनि गासिबो
दुखारुनि दाहा बोस्रांना ।
आंनि मिनिनाय,
आंनि रंजानाय
मोनाखै आं आफा अरायबो
बोहैनाय गोजोँ निजोरा
सोमोनांथाव नोँनि अखानि
दैस्लुं बायदिसो
रानलांफिन्दोँ गावनो
खारसुमै समबायदि ।
दिनै अखानि बायदिसो
मोन्दांदोँ आं गशाइ
गासैबो आंनि रंजानाय
मिनिनाया
अखा मोफ्लामनाय ।

मार्ष,2014