रैसुमै 12: थांनाय सानसेयाव आं नोँखौ Poem by Ronjoy Brahma

रैसुमै 12: थांनाय सानसेयाव आं नोँखौ

थांनाय सानसेयाव आं नोँखौ-
मिनिस्लु मिनिस्लु लोगो मोनो
(रैसुमै) मिनिस्लु नोङो रायदावो,
गोसोआव गोजोन्नाय मोनो आं
(रैसुमै) मा सान्नाया नोँनियावबा
मिथिया बेखौनो गोरबोआ।
मोदै गैया आंहा सना
खालि आं रंजायोल' नुब्ला,
नोँनि हायनाया बोयो मेगनखौ
उन्थिँ मोखाङै खेबसे नायहरो-
मिनिस्लु नोङो सावरायदोँ
(रैसुमै) गुफुर हाथाइया जोँख्लाबो
बावनो हायाखै आं।
हिमालयनि बर'पआ गलियो
दैसा निजोरा बोहैयो
गोरबोआव आंनि बिलिरो,
(रैसुमै) नोँ मिथिया सना
आंदि नोँखौ हास्थायो।

Thursday, November 13, 2014
Topic(s) of this poem: Love
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success