गोरबो इसिँनिफ्राइ -117 Poem by Ronjoy Brahma

हे मानिजाथाव गोसोनि सोरां
होदो आंनो मोजां मिजिँ अख्रां
बिफां-लाइफांनि गुसु सायाजोँ
होदो गिरि थाबायनो गियानजोँ
-
मेगन जोँनाय गोसोनि बोलोआव
आय' आफा आंनि लामायाव
नै अनसुला मिथिगौ नोँनोथ'
बेसेबा आन्दायो नोँनि अनगा आंथ'
-
गाबज्रियो नै दिनै जुब जुब अखायाव
होदो गियानखौ दावबायनो मोकथांआव
-
खावलायो अनसुला खावलायो
नोँनि मिनि सोरां नागिरो
नोँनि बिखायाव सोमखोर अन्नाय मागियो
नै गसाइ खुद्रि खुद्रि बुंबायो
होदो लामाखौ आंनि रंजानायाव
बेसेबा गोजोन मिजिँआव
बेसेबा हास्थायनाय सोरांआव।
-
07/05/2015
आयनि देरायाव।गामि