गोरबो इसिँनिफ्राइ -102 Poem by Ronjoy Brahma

आंनो माबे गोनांथि लुबैनाय
नाथाय जाबाय आन्दायनाय
-
लाबो सोलायनाय
आं आर'ज खालामो दिनै
लाबो लाबो सोरां बिलिरनाय
गोजोँ लामा मेगनाव
-
नोँ सोरां जेब्लाबो सोरां
मिथिगौ जेरावबो जेरैबो नोँनि सोरां
-
दिनै जोनोमनि जिउ लानानै
सुबुं अन्नाय सान्नाय गोसो लानानै
आर'ज आंनि आर'ज सानफ्रोमबो
-
सिरि सिरि बार बिरबायलाङो
गुबुन नङा मिथिगौ नोँनि
नै आफा हम आंनि खाफालाव
दिनै आर'ज नोँनि आखायजोँ
-
मिनिनाया थांबाय लोगोसे गाबनायजोँ
हम आंखौ बिखायाव
खोमसि लामा हाखराव आगानखौ
नै आफा नोँ बिलिरहर गोसोखौ
-
नोँल' बेखौनो जेब्लाबो बुङो
जोँमा गुदि गोजौ गाहाय
नोँल' आफा आंनि
लाबो लाबो गोनांथि नोँनि
गोरबोआव खुदुमनाय फिसा होन्नानै।
-
26/01/2015
गामियाव