गोरबो इसिँनिफ्राइ -10 Poem by Ronjoy Brahma

समायना नोँ दिनै समायना
खोमसि अख्रांङाव
गोरबोआ आंनिया दिनै मानोबा
नै बियो लैथोनि बाना
-
बेसेदि आं सान्दोँमोन
गोर्बो खना खना
गोरोबा बेजोँ सुबुंनि सोरजि
नुलायनाय जायाखिसै नोँजोँ
-
आरोबाव समायना नोँ आनज्रायलांबाय
समजोँ खारफानानै
नागिरदोँ नोँनि गोजा जारौ खावलायाव
गोजोँसिन माबा मोनसे
-
नाथाय नोँनि मोदाननाय महरावदि
आंनि नोजोरा स'हाया
नोँनि जारौ गाबाव
आरो जेबोआं
नुआ थावरिया
नै बियो लाजिनाङो
-
नोँजोँ गोरोबनो जुनै
नाजावबाय आं आफा
सायख'ना ब्रह्म घोरोमखौ
आवगाय लांगोन बिनि मोन्थोरजोँ
-
नोँनि सोरां नोँ खोमसि
सोमोना आं
सिबिबाय हास्थायना
ब्रह्म गायत्रीजोँ।