दिनै आंनि आर'ज 1- 40 Poem by Ronjoy Brahma

1
नै आंनि अबं गिरि!
नोँखौ खुलुमदोँ दिनै
मेगनाव मैखि लानानै,
खुगायाव खुदै लानानै,
आजावदो आफा आंनि
गोसो साजायना आर'जखौ।
2
जेबो गैया राहा आंहा
नोँ गैयाबोला
नोँ नङाबोला
हर नोँ आफा आंनो
गावनिनो फिसा असे होननानै।
3
नोँनि सोरांआव
नोँनि फुंआव
आं नुबाय आफा
दंनायमानि मिथिँगाखौ
दंनायमानि सावगारिखौ
नोँखौ खुलुमो दिनै आं
गोथार गोसो साजायना।
4
खोलो खोलो बिलिरनाय बारा
हायलाय हुयलाय मोसानाय
स्राइ स्राइ बिलाइया
रादाबखौ होफैयो मिथिगौ
जोँमा नोँखौ खुलुमो आं।
5
दुंबुर मोदान्नाय नाङो मोदोमाव
हान्थियो लामायाव
फ्लाम फ्लिम मेगनाव
आं रंजायो गिरि
नोँनि सोरांआव रंजायो।
6
मिनि मिनि थाबायो लामायाव
गोदै मिनिनाय
जाखाङो मोखांआव
नोँखौ रंजायो गिरि
आं गोजोनो सोरांआव।
7
जोँनाय सोरांआ दिन्थियो
आन्दायनाय आंनि गासैबो
गासैबो गोमालाङो हाबाब
जोँमा नोँखौ आं खुलुमो।
8
सानसुथिर सोरां समाव
नोँनि सोरांआ मोदानो
दुंहाबनाय मोदोमाव
जोँमा नोँनि अननाय बेयो
समायना नुयो आं
समायना नुयो।
9
गोरबोआव सानफा रंजानाय
मिनि मिनि गोरबोआव
गिरि नोँनि बेयो गासैबो
हाबाब गिरि मादि अनसायनाय।
10
नोँनि सोरां सारनायखौ
नोँनि दुंबुर बिलिरनायखौ
आं रंजायो गोसोआ
आं मोसायो गोरबोआ
जोँमा नोँखौ आं खुलुमो।
11
नै गिरि गासैनिबो
नोँनि अननायजोँ साजायबाय आं
मेँब्रां गोरबोखौ
मैला गोसोखौ
सुस्रबाय गोथार मिजिँजोँ
गिरि दैथिँ मोजां लामाजोँ।
12
नोँनि जोँहाबनाय सोरांआव
नोँनि सारफावनाय बोरआव
आं गोजोनो गिरि
आं रंजायो, आं मोसायो।
13
नोँनि समायना महराव
नोँनि मिथिँगायाव
आं गेलेयो दान्दिसे
नोँ दैदेन गोथार लामाजोँ
जोँमा नोँखौ खुलुमो
नोँखौ खुलुमो गिरि आं।
14
हरखाब सिरि मोनो
नोँखौ गोसोखाङो गिरि
नोँनि अननायखौ नागिरो
फोजाबाय आंखौ नोँङो
गिरि नोँखौ गाबज्रियो।
15
सिरि मोन्ना नोँखौ गाबज्रियो
होदो होदो गिरि गोरबोआव
नोँनि मुंखौ गोसोआव
मख'नो जेब्लाबो खुगायाव।
16
जोँमा सोरांआ सानजा दरखंआव
मिनिस्लु मोखांआव
बुथे आंनि मैखि खानाय
फोजाबाय नोँ फोजाबाय
जोँमा नोँखौ खुलुमो।
17
लान्थि देहाया दुंब्रुद आंनि
नोँनि मिनिनाय रिफियो
गोजांहाबनाय खारलाङो
नै गिरि मिनिस्लु नोँखौ खुलुमो।
18
मोखां सुस्रांना नोँखौ नायहरो
मिनिस्लु मेगनाव नोङो नायदेरो
हाबाब गिरि समायना
मेगनाव गोग्लैयो मिथिँगाया
जोँमा नोँ फोजाबाय गोरबोखौ
नोँखौ खुलुमो आं दिनै।
19
खर' सायाव गोग्लैबाय,
जोँमा नोँनि मोखांआव
नायहरो आं नोँखौ
नै जोँमा मोजां खौरां नोँनि
होफैबाय नोँ हान्थिनाय लामायाव।
20
सानसुथिर समा गोग्लैयो
मिथिँगाया मेँहाबना दं स्राय
मि जुनादफ्रा जिरायहाबना
जोँ बिफां साया नोँनि होनायाव
जोँमा नोँखौ खुलुमो।
21
नै आंनि अबं गशाइ
नोँनि गोख्रोँ आखायजोँ
दैजागोन आं
अन्नायजोँ खाफालाव।
22
बोर सास्रि अबं
अन्नायजोँ बिलिर खाफालाव
गोथार समायना नोँनि
बिलिर बिलिर खाफालाव।
23
आंनि गारांआ जायाखै गोदै
अब्लाबो रोजाबो आर'ज
आजाव आजाव आफा अबं
आंनि आर'ज खोनासं।
24
नै सोरजिगिरि,
बे फुंबिलियाव नोँखौ
खुलुमो खुलुमो गशाइ नोँखौ।
25
नोँखौ साबायखर होयो आफा
बान्थाजोँ हाया गोरबोजोँनो
आंनि गासैबो आफा
आंनि गासैबो नोँनि
गिरि नोँखौ खुलुमो।
26
नै सोरजिगिरि आफा
नोँ सासेल' अनसुला गासैनि
आं खावलायो आफा नोँखौ
बिलिर बिलिर मोजां मिजिँआव
आगदा नोँनि आखाय खाफालाव आंनि।
27
नोँ सुदेम फुंबिलियाव
नोँ ओँखारबोदोँ मिनिस्लु
नोँनि गेबेँ मेगनजोँ
नोँ नायहरदोँ गावनि सोरजिखौ
साबायखर गिरि नोँखौ
नुहरबाय आं मिथिँगाखौ।
28
नोँखौ खुलुमो आफा
नोँ बिलिरबाय गोरबोआव
साबायखर नोँखौ, साबायखर
रंजानाय लाबोबाय गोसोआव।
29
नै सोरजिगिरि,
आबुं नुजानाय जोँमा आंनि
नोँनि अन्नायखौ बुंफोरख' हाया
मोजां मोनोल' आं नोँखौ
नोँखौ खुलुमो साबायखर।
30
नै जोँमा गोरबोनि
नोँखौनो नांगौ जेब्लाबो
जेबो जेबो समावनो
नोँनि अन्नाय मागियो अबं
बिलिर बिलिर आंनि खाफालाव।
31
साबायखर आफा नोँनि अन्नायखौ
समायना मिथिँगायाव मेगन
गोग्लैयो आफा मुहियो आंनि
जोँमा नोँखौ खुलुमो आं
आय' आफा गोरबो बावसोमो।
32
दिनै गुसु फुंआव
नुजाफैयो आफा नोँनि मिनिनाय
नोँखौ खावलायो आफा
दैदेनलां सानसे आंखौ गोथारै।
33
नै जोँमा आंनि गिरि
जिउ जिबिनि, जेनिबो
नोँ अनसुला गासैबोनि
आं मिथिगौ जोँमा नोँखौ
अनसुला सोरजिगिरि,
जोँमा साबायखर नोँखौ।
34
साबायखर आंनि अनसुला
जोँमा नोँखौ खुलुमो,
होबाय आंनो गोजोन बार।
अन्नाय मागियो आरोबाव
नायहर नायहर आफा
आंखौ दैदेनलां गोथार लामाजोँ।
35
नै सोरजिगिरि,
फै आंनि आंनि गोरबोआव
नै सोरजिगिरि
लाबो गोजोँ मिनिनाय जिउआव।
36
सानसे बारलांनायनि सिगां
नै गिरि लाबो रंजानाय
नै सोरजिगिरि,
गंग्लायो आं गंग्लायो, नोँखौ
बे गंग्लायनायखौ आजाव आफा
गोथार अन्नायजोँ नोँनि फेन्दायाव।
37
नै सोरजिगिरि, आबुं गिरि
नोँ गासैबोनि सान्नायनि गिरि
सोरजिबाय नोँ आंखौ उन्दै
थाबायनो होदो लामा गोथार
बे हाबिलाखौ होदो आफा
गोथार गावनि फिसा साजायना
नै आफा, आबुं गिरि
नोँखौ खुलुमो।
38
नै सोरजिगिरि, नोँ गासैबोनि
आंखौ बोलांदो आफा
नाथ्रोद नाथ्रोद मोजां लामाजोँ
नै आफा खावलायो नोँखौ
हांख्राय हांख्राय
जोँमा बोलांदो सोरां लामाजोँ।
39
सोरगिदिँ सोरां सारनाय
नुबाय नुबाय आं आफा
जोँमा नोँनि अन्नायजोँ
मेगन नुबाय जिबिमानि गासैबो
जोँमा नोँखौ खुलुमो आं।
40
जोँमा नोँ मिनिस्लु
नोँ अरायबो रंजालु
आं गोजोनो आफा दिनै
सोरां नोँनि दिन्थियाव
जोँमा नोँखौ खुलुमो आं।
(- नबेम्बर 6,2014 सिम)