गोरबो इसिँनिफ्राइ -04 Poem by Ronjoy Brahma

नोँखौ हांख्रायो आं गसाइ
सोरांखौ सानसे हास्थायनानै
रुगुं गैयै गोरबो सानस्रिनानै
नोँखौनो हांख्रायो गसाइ
-
जोँनाय बेसेबा सोरांखौ
हरनि रिथि-रिथाव
हार्थखिखौ
बेसेबा मुहिनां समायना
नोँनि बे गोजोर समायना
-
हे अबं बेयाव सानसे
आन्थोर ज'यि रैसुमै रिँनायजोँ
गोरबो बिखायाव बेनि
मोन्थोरजोँ
आंनि गियाना जाखाङो एसे
-
जाखाङो रंजानायनि मिनिनाय
जाखाङो सिँ सिँ गाबनाय
गियान गैयै खोमसियाव
खोबथेदोँ आंखौ माब्लाबा समाव
-
दिनै नोँ आंखौ अनाब्ला
आरोबाव आं जायो खाना
दांग्रोमनांनाय जायो जेब्ला
खोमसि जेबो नुनो मोना
-
दिनै आंनि रंजानाय गंग्लायनायखौ
गुन्द्रा खालामना बेरखांथोँ गावनानै
आंनि गासैबो हाबायाव रंजानायखौ
होदो बिबान रुजुन्नानै
-
नै गसाइ बेनिनो आर'ज आंनि
गोरबो बिखायाव गले गले जिउनि
आंखौ लादो आंगो खालामनानै
गसाइ मुलुगनि हाबाखौ होनानै
27/10/2011