गोरबो इसिंनिफ्राइ -01 Poem by Ronjoy Brahma

गोरबो इसिंनिफ्राइ -01

Rating: 4.5

फुंनि गोजोन बारजों रंजानाय
बाज्ल'बाज्ल'दाउसिननि मोसानाय
रंजायो आंनि गोरबोआ बेसेबा मिनिस्लुनायाव
बिसोरनि गोजोन मोसानायाव

आय' जोंमा गावदां मोदाननाय
मिनिस्लुनाया मोदानो नैबे मेगनाव
मोस्लेट् सोरांनि आन्दायनाय
खुसिया फैयो मानोबा गोरबोआव

थाइनै मेगना आंनि मेसेबनो बावगोमायो
आय' जोंमा गावदां आंनि
नायहाब नायना थायो बेसेबांबा
मेगना मोदैजों ज्राम ज्राम जायो आंनि

हां मोनस'यै हरखाब आङो
आय'आफा आं नोंखौ गोसोखाङो
माबा सान्नानै खुसि जायो
गोजोनग्गलायनाय मोनो बेसेबांबा
गसाइ आर'जखौ जुरियो

थाथिर गैयै बिरबायना
गोसोआ थाङो
आय' आफा नोंनि सोरांजों मिनिसुलुयो
आंनि गोरबोआव जाखाङो
लोगो हमलायनाय नोंजों जायो

दिनै गोरबोआव सिनायजेन्नाय नोंजों
गसाइ फुंनि लांगोनायाव
मोखांजों मोखां बेसेबा खुसिजों
गसाइ थादो आंनि बे जिउआव
21/06/2010

Friday, July 11, 2014
Topic(s) of this poem: poem
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success