आं मोजां मोनो: जाय आंखौ मोजां मोनो Poem by Ronjoy Brahma
आं मोजां मोनो: जाय आंखौ मोजां मोनो
फुंबिलियाव नोङो जारौ फैयो
मिनिसुलु मिनिना गोजोन खुसि
नोङो समायना आगरनि दखना गानना
जोमग्रा आर'नाइ फास्राजोँ
गासै सिखोलानि गेजेराव
गासै मुलुगनि गेजेराव।
नोङो अनसुलि जिउनि
मिथिगौ आं मिथिगौ सना, सिरि-
बिसोरो मिथिया नोँखौ
आंनि थाखाय नोँबोदि-
नाथाय नोँ मिथिगौ
अरायनि थाखाय जेब्लाबो
आं नोँखौ मोजां मोनो,
नोँनि दखनानि थाखायल' नङा,
एबा नोँनि जोमग्रा फास्रा आर'नायनि थाखायल';
आं मोजां मोनो,
जाय आंखौ मोजां मोनो।
This poem has not been translated into any other language yet.
I would like to translate this poem
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
4/24/2024 1:35:22 PM # 1.0.0.1119
