जोनोमनि उनाव Poem by Ronjoy Brahma

जोनोमनि उनाव

देर- दोखोन देर- दोखोन देरना
रायज्लायनो रोँनायनि उनाव
सानसे आयनाव सोँदोँमोन आं
(आयआ जाम्बि, जाम्बि माने ओरैबादि जाम्बि
अख्रांआव जोमै दं,
बुंनो हाया अखा हागोन- ना हाया,
बाथ्राया गोरासिनबाव
इयुनाव मा जागोन मुगा,
बोथोर आरो हाल-सालफ्रा)
' आयै नोँसोरनि थांखिया मा?
आंखौ मानो जोनोम होखो?
आरो आंखौ मानो
फरायसालियाव सानफ्रामबो थिनहरखो? '
अनथाव- बाथाव जाम्बि आयआ बुंदोँमोन
' फिन्नाया गुसुं नङा,
नोँ सानफ्रामबो फरायसालियाव थां-
गासैबो बिजाबखौनो फराय,
आंनि फिन्नायखौ नोँ मोनगोन बेयावनो,
आरो नोँ आंनि फिन्नायखौ
गासैखौबो लुबैयोब्ला
जेसे हागौ एसे फराय
सक्ल- कलेज- इउनिभारसिटि
मन्दिर- मजिड- गिर्जा जेरावबो थां।'

Saturday, August 29, 2015
Topic(s) of this poem: mother
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success