गोरोबै खबाम Poem by Bidindra Basumatary

गोरोबै खबाम

अखोरांनि जोंखौल हाथर्खि
जोंदों जोंथि माथि,
दानसोरां हरनि निजोम सम
गासैबो उन्दुसि लांबाय;
फेसानि गाबनायाव-
आंनि गोसोआव गिखंनाय सोमजियो।
मिथिस्लाबै आं उन्दुलाङो
आरो सिमां नुयो,
सिमांफोरा आंनि गद गैया;
माब्लाबा आंलाइनो अम्बृत जादों
आरो माब्लाबालाइनो बिष लोंदों।
गुदि गैया बिजौ गैया
माब्ला आंलाइनो मेथाइ रोजाबदों,
बे मेथाइआलाइनो-
दुखु-दाहा, रंजा-बाजानि।
नाथाइ गैया गोरोबनाय खबामनि देंखो।

Friday, August 28, 2015
Topic(s) of this poem: sad
COMMENTS OF THE POEM
Ronjoy Brahma 28 August 2015

गुदि गैया बिजौ गैया/माब्ला आंलाइनो मेथाइ रोजाबदोँ,/बे मेथाइआलाइनो-/दुखु-दाहा, रंजा-बाजानि। जोबोद मोजां खोन्दो

0 0 Reply
READ THIS POEM IN OTHER LANGUAGES
Bidindra Basumatary

Bidindra Basumatary

Bhatopara [13/04/1997] Panbari, Bijni
Close
Error Success