सिमांआव बाथौ बोराया Poem by Ronjoy Brahma

सैथो त्रिता दापर खोलि
गासै मोनब्रै मुगायावनो,
राम कृष्ण बोद्ध
खृष्ट हजरत परमहंसनि मुगायावबो,
नार्जारि हाजारि औवारि
बैसोमुथियारि गयारि ब्रह्मनि समावबो,
गान्घी मेन्डेला लामानि समावबो
(अहिंसा खौसेथि जौगालु बिगियान मुगायाव)
आंनो दंमोन, दाबो दं- थागोनबो।
सिमांङाव आफा गोसोम बाथौ बोराया
आंजोँ रायज्लायदोँमोन,
गासैबोनि गेजेन जानानै
आं खोनासंदोँल'मोन।
बोलो गोरा बुजि गोरोँ
आफा बाथौ बोराया
लाजिनाय गैयै सैथोयै बुंबावदोँमोन-
रामायण महाभारत अपनिसद
पुराण कराण बायबेल
आंनि गोरबोजोँनो सोरजिजादोँ
आंनि थिन्नायावनो, आंनि गिबि फिसाफ्रानो लिरदोँ;
आंनिनो बोसोन गीतानि थौमा ओँथिया।
बायबेल गोदान रादायनि खबामा।
आंनिनो थिन्नायाव घोरोमनि मावनां हाबाया।
मोजांबो गाज्रिबो बाथौ बोराया
(सोर्गो नोरोक फाथाल
हर खोमसि नुनाय नुयैयाव थाग्रा)
आंखौ खर'आव बिलिरदोँमोन,
गिनाय फोथायनाय आंनि गोसोआ
गुगुरुब मेसेबना खुलुमदोँमोन,
स्रोब गोमोरलांदोँ आफा सिवब्राया
आं नुयो मेगन खेवब्रा
हान्थु खरायना दं सिजौ गुदियाव
समायना-रमायना निजोम फुंआव
दाउसिन-मि-जुनार सिरि मोनस्लाबै
सोरांसि सोरांसि फुंआव।