बहा गोमाखो गंसे हादर Poem by Ronjoy Brahma

मोदैजोँ बुंफबनाय आयनि गोरबोनिफ्राय
जोनोम मोन्नायनि उननिफ्रायनो
आं बिग्रायारि
उदांस्रि नागिरदोँ आरो नागिरदोँ
बहा गोमाखो गंसे हादोद?
बुरलुंबुथुरनि सेर सेर नागिरो
संखस आरो सदियामोनाव सोङै सोङै
खिन्था रोङा बिसोर, गाबो खालि गाबोल'
बिलिफां बिलिफां
माब्लाबा हर गेजेर, माब्लाबा सोरांसि सोरांसि
हा फिसा हौवा दाउआ रोजाबो
बहा थांखो फिसा, बहा गोमाखो दावहारु-
आफानि मोन्थोर जारिनाय
बिखा आरो बिख्लो लानानै
राजा लामा लामा नागिरो
सान्दुं खामनाय रेल लामायाव नागिरो
बहा गोमाखो गंसे हादोद?
आबै जावगारलांनाय जुजाय जुजाय
आबौ हुंलांनाय मायहुं मायहुं
बिजि खान्दा नागिरनायबादि नागिरो आं
नोँ बहा दं सनानि देरा?
भारतनि संबिदानाव बेक्रेटजोँ बोन्थे जानानै
ना दावहारुनि गोथै हाखराव
ना जोलैनि हांगारनि बिखायाव?
उदांस्रि आं नोँखौ नागिरो
राजखान्थिनि आफादसालियाव
हालुरनि मोनसे गारांआव
हादरगिरिनि दर्खँआव हब्रा हब्रा