उन्दै समनि मोनसे गोसोखांथि Poem by Ronjoy Brahma

उन्दै समनि मोनसे गोसोखांथि

आमाय-जुमाय जोँनि गेलेनाय
फरायसालियाव जोँनि थांलाय-फैलाय।
गाबोबो मिनियोबो दान्दिसे
बियो जिउनि बुब्लिबोल' मोनसे।
ग्रिद ग्रिद हान्थु खरायनानै
गोसो गोथार आखाय खबजबनानै
'ॐ कारनि बिगोमा
आफा अबं ग'साइ
सोरजिगिरि जिउनिगिरि-
नोँनो राम, नोँनो कृष्ण,
बुद्धु, जीशु।'
फोरोँगिरिया सल' खिन्थाब्ला
गल' आं खोनासङो अब्ला।
दाउस्रि-दाउला मैना मैना
बेसेबा हान्थिनाय फैना फैना-
आफाया बुङो- खामानियाव फै
जिउनि हाथियारा बेबो नोँनि।
खामानिनि फिथाइया उदैल' नङा
देरहानायनि मिजिँआ गोरबोआवल' नङा
लोगो लोगो थां लामायाव
बोलो- गोहो सानस्रि मिजिँ, हाबा
जेरबायाव आर'नाय दाद लोगोआव।

COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success