बर'फोर, जोँ दिनै खौसे जाबाय Poem by Ronjoy Brahma

बर'फोर, जोँ दिनै खौसे जाबाय

Rating: 4.5

बर'फोर, जोँ दिनै दावगाबाय
जोँ दिनै खौसेथि साजायबाय
फै सिबिनि जोहोलाव-
आलारि फोजोँना मान होनि
जोबोद अनसायनायजोँ मान बावनि
गुरुदेब, बर'फा आरो
आवलुरि बर' बिमानि फिसा
जोहोलाव सोमदोन, दैमालु
मुगानि थान्दै बिनेस्वर
जोहोलाव नीलु आरो जोहोलावजो
बिगोस्रि, गाम्बारि, थिँफाख्रि आरोबाव
मुंख्लं आगोमा जोहोलाव- जोफोरनो
बारसे बिबार, आलारि फोजोँनि।
जोँनि अख्रांआव थाथोँ खुसियै
जोँनि हाबायाव सोरां होनानै,
जोँनि बाथौ गुदियाव
जोँनि मन्दिर सालियाव
जोँनि गिर्जा सालियाव।
गुरुदेबा जोँनो लामा होबाय
बर'फाया जोँखौ खौसेयै दैबाय
मिनिस्लु दान्दिसे नोँसोरनि मिनिनाय
नाथाय अखा मोफ्लामगासे जिउ।
आवगाय नांगोन दिनै गावस्राया
ज' ज' ग्रिद ग्रिद
माखा माखा हानजा हानजा
सैथो आरो बिजिरनाय आगानजोँ
ब्रह्म, बाथौ, कूष्टान आरो
गोबां जोँ बर'नो।
जोँ गोसोआव लानांगोन
उदांस्रियानो जोँनि गासैनिबो मोनसे गिदिरथार
जुदि जोँ हारि माहारि जिउ दङब्ला
बर'फोर, जोँ दिनै खौसे जाबाय।

Friday, February 13, 2015
Topic(s) of this poem: Ballad
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success