फुर्णिमा अखाफोर Poem by Ronjoy Brahma

फुर्णिमा अखाफोर

हरनि फैलाव अखोरांआव
जोँथि- जोँथा मिनिस्लु हार्थखिफोर
बिसोर अराय जुगे जुगे आलारि बाथि;
हरनि रानि गावदां अखाफोर
बयनिबो गेजेराव मिनिसुलि,
सोरां हरदोँ थुरि उखुमनि न'
बिखा फुवारनाय आंनि सिलायाव।
नायनो बेसे हायनारि नोँदि
नायहरो लाइमोनस्रि नोँनि महरखौ
सांग्रेमा एम्फौमानि थाखोमायै,
आरो आं बोजबनो बोदोर जायो।
नै, लाइमोनस्रि गावदां
बैसागुआव फै सना खुसियै
आंनि सिलायाव नायहरै नोँ
मोसागोन आं दैज्लां बरायनानै,
नोँ खोनागोन हायनारि सना
मेथाइ खनगोन दाउ खौऔआ
खाम दामगोन जोमैया
सिफुं सुगोन बार हुंखाया
जथा, थरखा, गंगोना, सेर्जा
मिथिँगानि जिबिफ्रा दामगोन
दाउसिन- दाउला रंजागोन
ना खुरस्रा रंजागोन
लोगोआव बेजोंबो सोरबा सोरबा
एम्बु बंग्ला मोसागोन,
आरो मोसागोन आं बोदोर खुसियाव
नोँ नायहरदे सना हायनारि
लाइमोनस्रि गावदां आंखौ खुसियै।

Friday, February 13, 2015
Topic(s) of this poem: moon
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success