नाथाय मेगना आंनि फारसे सिख्लानि Poem by Ronjoy Brahma

नाथाय मेगना आंनि फारसे सिख्लानि

समायनायै गसंनाय
नाथाय मेगना आंनि फारसे सिख्लानि,
जि जि जा जा दाउसिना बिरलांदोँ
अनजालि सिख्लानि खर' साजोँ;
नाथाय मेगना आंनि फारसे सिख्लानि।
जोँमा साना मिनि देरो
जाहाब जानाय खावलायाव खुदुमो
बिफांआ नायहरो,
दाउसिनफोरा जंखायो
हाजोआ आज्लं हरो
लामायाव बारजोँ हाद्रिया मोसायो
आरोबाव दाउसिना मेथाइ खनो
नाथाय मेगना आंनि फारसे सिख्लानि।
सावगारि बोदोँ बिखायाव
खन्थाइ लिरदोँ गोरबोआव
मेथाइ रोजाबदोँ गोसोआव
आन्दायना थायाखै सोदोबनि
गोरोबनाय दं खबामनि;
समायना रमायना दखनाजोँ
जोँखोल मेसेबनाय गैयै मेगननि
सान्दोँ आं माबा नागिरदोँ आंनि
जायखौ रावनावबो मोनाखै
बावाखै आरो बिनि गोसो होसारनाय।

Monday, February 9, 2015
Topic(s) of this poem: love
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success